沙排仔加油@嘆法國菜自助餐

經過一連串嘅聖誕海嘯、新年"旺旺"同"入估財源"後．．．

都數唔到勁食咗幾多嘢同增咗幾多磅．．．又要加倍做體能啦！ロ尋日再係生活著數台嘅好戲碼．．．令到本少爺有得嘆法國菜，又有好parter黛黛part我啦！又識到新朋友仔！抵呀！！！
試咗法式燒鵪鶉、法式焗田螺、黑松露芝士同香煎鴨肝配薯仔pancake．．．但最得本少爺心呢就係個法式海龍皇湯（記住要加D蛋黃醬），D湯加咗蛋黃醬超好味，D海鮮又新鮮，正！仲有法國菜嘅甜品士多啤梨芒果酥皮拿破崙，新鮮出爐時一大條好似D牛排咁切出嚟即食，真係好脆！我足足食咗好幾件呀！

個自助餐仲有Bread Pudding同Banana Feuille等等．．．好多甜品都好正架！
法國菜自助餐就係係會展6樓嘅餐廳，為期好似係3月至5月底。

力之練波術師呢期都係Keep住練室內、打Friendly同練沙灘，目的就係準備嚟緊嘅聯賽，仲有就係同達達part嘅沙排比賽啦！要Keep住同加油呀！大家都要十卜呀！

努力練習！努力練習！